തണ്ണിത്തോട്
ഗ്രാമ പഞ്ചായത്ത്

പത്തനംതിട്ട ജില്ലയിലെ കോഴഞ്ചേരി താലൂക്കില്‍ കോന്നി ബ്ളോക്ക് പഞ്ചായത്ത് പരിധിയില്‍ വരുന്ന ഒരു പഞ്ചായത്താണ് തണ്ണിത്തോട്. പഞ്ചായത്തിന്റെ വിസ്തീര്‍ണ്ണം 43.5 ചതുരശ്ര കിലോമീറ്ററാണ്. 10/05/1978-ല്‍ അരുവാപ്പുലം പഞ്ചായത്തിന്റെ 8-ാം വാര്‍ഡായ മണ്ണിറയും, തേക്കുതോടും, 9-ാം വാര്‍ഡായ തണ്ണിത്തോടും, കോന്നി പഞ്ചായത്തിന്റെ 9-ാം വാര്‍ഡില്‍പ്പെട്ട എലിമുള്ളുപ്ളാക്കല്‍ പ്രദേശവും ചേര്‍ത്ത് തണ്ണിത്തോട് പഞ്ചായത്ത് നിലവില്‍ വന്നു. പഞ്ചായത്തിന്റെ പ്രഥമ പ്രസിഡന്റായി തോമസ് വര്‍ഗീസ് നിയോഗിതനായി. പഞ്ചായത്തിന്റെ അതിരുകള്‍ വടക്ക് റാന്നി ഫോറസ്റ്റ് ഡിവിഷന്‍, കിഴക്ക് വടശ്ശേരിക്കര റേഞ്ചില്‍പ്പെട്ട റിസര്‍വ് വനം, പടിഞ്ഞാറ് വടശ്ശേരിക്കര-കോന്നി റേഞ്ചുകളില്‍പ്പെട്ട തേക്ക് പ്ളാന്റേഷന്‍, തെക്ക് നടുവത്തുമൂഴി റേഞ്ചില്‍പ്പെട്ട തേക്കു പ്ളാന്റേഷന്‍ റിസര്‍വു വനം എന്നിവയാണ്. പഞ്ചായത്തിലെ വാര്‍ഡുകളുടെ എണ്ണം നിലവിൽ 14 ആണ്....