തണ്ണിത്തോട്
ഗ്രാമ പഞ്ചായത്ത്

തണ്ണിത്തോട് ഗ്രാമപഞ്ചായത്തിന്റെ ചരിത്രം

 കേരളത്തിലെ പത്തനംതിട്ട ജില്ലയിൽ കോന്നി ബ്ലോക്ക് പഞ്ചായത്തിന്റെ പരിധിയിലുള്ള ഒരു പ്രധാന ഗ്രാമപഞ്ചായത്താണ് തണ്ണിത്തോട് ഗ്രാമപഞ്ചായത്ത് . പശ്ചിമഘട്ട മലനിരകളുടെ ഭാഗമായി സ്ഥിതിചെയ്യുന്ന ഈ പ്രദേശം പ്രകൃതി സൗന്ദര്യത്തിനും വനസമ്പത്തിനും കാർഷിക സമ്പത്തിനും പ്രസിദ്ധമാണ്. 

പണ്ട് കാലത്ത് തണ്ണിത്തോട് പ്രദേശം പൂർണമായും വനമേഖലയായിരുന്നു. പിന്നീട് മലനാട് മേഖലയിലേക്കുള്ള കുടിയേറ്റത്തിന്‍റെ ഭാഗമായി വിവിധ പ്രദേശങ്ങളിൽ നിന്നുള്ള ജനങ്ങൾ ഇവിടെ താമസം ആരംഭിച്ചു. കൃഷിയെയും റബ്ബർ തോട്ടങ്ങളെയും ആസ്പദമാക്കിയായിരുന്നു പ്രദേശത്തിന്റെ വളർച്ച.  റബ്ബർ, കുരുമുളക്, തെങ്ങ് തുടങ്ങിയ കൃഷികൾ പ്രദേശത്തിന്‍റെ സമ്പദ്‌ വ്യവസ്ഥയുടെ പുരോഗതിക്ക് പ്രധാന പങ്കുവഹിച്ചു.

തണ്ണിത്തോട് പ്രദേശം  ശബരിമല തീർത്ഥാടന പാതകളുടെ സമീപ പ്രദേശമായതിനാൽ ആയത് ഗതാഗത മേഖലയ്ക്കും വ്യാപാര മേഖലയ്ക്കും പുരോഗതി കൈവരിക്കുന്നതിന് സഹായകരമായി. പ്രകൃതിയോടും വനമേഖലയോടും ചേർന്ന് നിലകൊള്ളുന്ന ഈ ഗ്രാമം പരിസ്ഥിതി സംരക്ഷണ പ്രവർത്തനങ്ങളിലും ശ്രദ്ധേയമാണ്.

ഗ്രാമപഞ്ചായത്ത് രൂപീകരണത്തിന് ശേഷം റോഡ് വികസനം, കുടിവെള്ള പദ്ധതി, ആരോഗ്യരംഗം, വിദ്യാഭ്യാസം, ശുചിത്വ പ്രവർത്തനങ്ങൾ, ഹരിതകേരളം പദ്ധതികൾ എന്നിവയിൽ വലിയ മുന്നേറ്റങ്ങൾ കൈവരിച്ചു. ഹരിതകർമ്മ സേനയുടെ പ്രവർത്തനങ്ങളും, മാലിന്യ സംസ്കരണ പദ്ധതികളും പഞ്ചായത്തിന്‍റെ പ്രധാന നേട്ടങ്ങളിലൊന്നാണ്.

ഇന്ന് തണ്ണിത്തോട് ഗ്രാമപഞ്ചായത്ത് ശുചിത്വം, സുസ്ഥിര വികസനം, പരിസ്ഥിതി സംരക്ഷണം, ജനക്ഷേമ പ്രവർത്തനങ്ങൾ എന്നിവയിൽ മാതൃകാപരമായ മുന്നേറ്റം നടത്തുന്ന ഒരു ഗ്രാമപഞ്ചായത്തായി അറിയപ്പെടുന്നു.